Bakı ərazisində baş vermiş müəmmalı radiasiya sızıntısı şəhərin bir hissəsini tam karantinə salır. SSRİ dövrü tikilmiş məxfi yeraltı laboratoriyada baş verən partlayış zonanı həm təhlükəli, həm də qanunsuz biznes üçün cəlbedici məkana çevirir. Evakuasiya mümkün deyil, ərazi isə tam qapadılıb.

Zonada elmi heyət radiasiyanın qarşısını almağa çalışdığı halda, kriminal şəbəkələr naməlum maddənin qaçaqmalçılığı ilə yeni güc balansı yaradır. Həbsdən çıxan Bahadır gizli yolla zonaya qayıdır və keçmişi, intiqam arzusu və kriminal aləm arasında qalır. Paralel olaraq, polis əməkdaşı İlyas bu qaranlıq şəbəkənin izinə düşür.

Elm, cinayət və insan nəfsi bir nöqtədə toqquşur. Zona yalnız fiziki təhlükə deyil, insanın daxilindəki qaranlıq tərəfin üzə çıxdığı məkana çevrilir.

Qırmızı Zona 

“Səkkiz” serialı taleləri gözlənilmədən bir-birinə bağlanan səkkiz fərqli insanın həyat hekayəsindən bəhs edir. Onları birləşdirən tək şey – keçmişdə gizlədilən sirlər, verilmiş səhv qərarlar və gələcəkdə qaçılmaz olan hesablaşmadır.

Hər obrazın öz dünyası, öz ağrısı və öz günahı var. Kimisi sevgi naminə xəyanət edir, kimisi pul üçün hər şeyi qurban verir, kimisi isə ədalət axtararkən öz vicdanını itirir. Zaman keçdikcə bu səkkiz insanın həyat yolları bir nöqtədə kəsişir və ortaya çıxan həqiqətlər onların hamısını geri dönüşü olmayan seçimlər qarşısında qoyur.

Cinayət, ehtiras, qorxu və vicdan arasında qalan qəhrəmanlar öz keçmişləri ilə üzləşməyə məcbur olurlar. Hər yeni hadisə yeni bir sirri açır və göstərir ki, heç kim göründüyü kimi deyil.

“Səkkiz” — insanın öz taleyindən qaça bilmədiyini və hər bir günahın gec-tez öz cəzasını tapdığını göstərən dramatik və gərgin bir hekayədir.

Səkkiz

Ziyanın əlindən qurtulan Bəxtiyar Ayselə söz verdiyi kimi onun qisasını almağa hazırlaşır. Bacısı Fidanın qaçırılması onun əlini qolunu bağlasa da Fərid və Emin onu getdiyi yolda tək buraxmayacaq. Bəxtiyar Ayselin qisasını ala biləcəkmi?

"S.Ə.S" Yeni sezon

Gənc qız  Gülşən meşədə amansızcasına zorakılığa məruz qalır və təcavüz olunur.Özünü təcavüzkarın əlindən xilas etməyə çalışdığı zaman isə oğlanı küt alətlə başından vurur və oğlan hadisə yerində ölür.Bunu görüb qorxuya düşən Gülşən meşənin içi ilə təlaşlı halda qaçmağa başlayır. Həmin meşədə dostları ilə ova gələn gənc iş adamı olan Toğrul da əlində tüfəng meşədə gəzir. Toğrulun tüfəngdən açdığı atəş səslərindən qorxuya düşən Gülşən daha da sürətli qaçır. Gülşənin qaraltısını heyvan zənn edib Toğrul atəş açır və Gülşəni yaralayır. Bu hadisə Gülşən və Toğrul arasında münasibətin yaranmasına səbəb olur.
9 ay keçdikdən sonra isə Gülşən şiddətli sancı və qanaxma ilə xəstəxanaya çatdırılır. Uşaq dünyaya gəlsə də, Gülşəni xilas etmək mümkün olmur və doğuş zamanı ölür.
Eyni xəstəxanada gənc yaşında məcburi ərə verilən Lalə də yüksək hərarətlə öz körpə qızını güclə də olsa xəstəxanaya Toğrulun köməyi ilə çatdırır. Lakin həkimlərin səyinə baxmayaraq, körpə sudurğa keçirərək ölür. Körpənin ölümündə isə Lalənin əri Sadiq onu günahkar bilir. Qadın düşkünü olub ailəsinə və övladına laqeyd münasibət bəsləyən Sadiq həmçinin günahsız həyat yoldaşı Laləyə bir sıra şiddət göstərir. Bu şiddətin qarşısında isə Lalə susur.
Sadiq xəstəxanada da Laləni vurmaq istəyərkən bunu görən Toğrul müdaxilə edir və Toğrulla Sadiq arasında münaqişə baş verir. Övladının itkisinə dözə bilməyən Lalə özünü xəstəxananın damından atmaq istəyərkən Toğrul onu xilas edib, sakitləşdirir.
İtki yaşayan hər iki ailədə müxtəlif münaqişələr olur. Toğrulun anası Xavər xanım nəvəsinə süd anası axtarmağı evində qulluqçu kimi saxladığı Solmaza tapşırır. Bu fürsətdən istifadə edib Solmaz, körpəsini yenicə itirmiş bacısı qızı Laləyə təklif edir ki, uşağa süd analığı etsin. Lalə buna razı olmasa da, atasının yalanları və anasının dializ xəstəsi olduğuna görə məcburiyyətdən razı olur. Lalə böyük bacısı Ləmanla birgə Xavər xanımın evinə gedib Toğrulun oğluna süd analığı edir.
Bu evə gəldikdən sonra isə Toğrulun Laləyə sevgi hissi baş qaldırır. Lakin Xavər xanım da başqa bir qızla oğlu Toğrulu evləndirmək istəyir. Bundan xəbər tutan Solmaz, şan-şöhrətə və var-dövlətə görə sevgilisi olan Ləmanı Toğrulla evləndirmək istəyir. Ləman öncə razı olmasa da, xalasının dediklərini dərindən fikirləşib Toğrulla evlənməyə razılıq verir. Bunun üçün isə Solmaz ağlagəlməz planlar hazırlayır.
Laləni sevən Toğrulu yoldan çıxarmaq üçün Ləman və Solmaz iş birliyi edirlər. Bu iş birliyinə Ləmanın atası Rza da daxil olur. Gülşənin ölümündən sonra şayiələr, daha sonra isə sübutlar çıxır ki, qız evlənən zaman hamilə olub. Yəni uşaq Toğrulun övladı deyil. Bunu eşitdikdən sonra Toğrul DNT test elətdirir. Buna anası Xavər ilk öncə narazılıq bildirirsə də, Toğrulu fikrindən daşındıra bilmir.
Bütün bunlarla yanaşı, kiçik konfliktlərə səbəb olan bir çox personajlar var. Serial davam etdikcə Xavər xanımın evində bir çox gizli sirlərlə dolu hadisələr cərəyan edir. Əsas konflikti isə iki bacının — gənc, ağıllı, yaraşıqlı iş adamı Toğrula olan sevgiləri və bir-biriləri ilə apardıqları mübarizədir.



Çarəsiz

caresiz trailer

Uzun müddət sonra doğulduğu kəndə qayıdan qəhrəmanımız atasından qalan torpaqda iş qurub bir müddət pul qazandıqdan sonra şəhərə geri qayıtmaq istəyir. Ta ki, həyatının sevgisini görənə qədər. Amma xırda bir problem var. O sevdiyi qızı 7 qardaşından almalıdır. Qəhrəmanımız qızın atasını da saysaq 8 kişinin hamısı ilə yola gedə biləcəkmi?

Səni Mənə Versələr 

Səni ürəyim sevdi 

Nuru və Miri hər şeyini itirmiş aktyorlardir. Onlar nəhayət işlərini də itirdikdən sonra yenidən həyatlarini qurmaq məcburiyyətində qalırlar. Sevdiyi qızı ala bilmiyən Miri və ailəsi tərəfindən tərk edilən Nuru əl-ələ verib bu çətin vəziyyətdən çıxmalıdırlar. Bütün bu çətinliklər fonunda kredit götürmək üçün girdikləri bankda başlarına gələn hadisədən sonra onlar özlərini tamamilə yeni reallığin içində tapırlar. Aktyor dostlar artiq tanımadıqları bir adamın «Qara-Qura» işlərini görmək məcburiyyətindədirlər.

Qara-Qura İşlər

Kasıb Oğlan Varlı Qız

Orxan və Bahar hər şeyi sevgilərinə qurban verir. Əl-ələ verib yeni, amma təhlükəli yolda birgə addımlamağa qərar verirlər. Onların taleyi necə olacaq?! Toy günü yarı yolda buraxdığı adamlar onları əfv edə biləcəkmi? Çatmaq istədikləri səadət onlara qismət olacaqmı? 
Sevgi – bir eşq hekayəsi

Sevgi

Sosial-ictimai komediya janrında olan “İdarə” adlı çoxseriyalı bədii filmin əsas məzmunu cəmiyyətdə baş verən yeniləşmələr və bu yeniləşmələrə qarşı mübarizə aparan qüvvələrin müqaviməti təşkil edir. Yenilik tərəfdarı olan baş qəhrəman Aydın, digər tərəfində isə hər fürsətdə onu sarsıtmaq üçün planlar quran bir qrup passiv düşüncəli köhnə kollektiv dayanır. Vəzifəyə təyin olduqdan sonra yaranmış vəziyyətdən sui-istifadə edən qohumların “işə düzəltmə” davası başlayır. Yalnız atasından dəstək alaraq qarşı qüvvə ilə açıq şəkildə mübarizəyə başlayır. Bir müddət sonra Aydın bu mübariəzinin əhəmiyyətsiz olduğunu düşünərək işdən çıxmağa qərar verir. Elə həmin an gələn xəbər onun yenidən bu mübarizəyə qoşulmasına səbəb olur.

idarə

İdarə - Teaser

Serialın əsas süjet xətti taleyi dolaşıq düşmüş iki yeniyetmə gəncin sevgisi, onların
qarşısını kəsən çoxsaylı maneələri necə dəf etməsi və həyatın ağır sınağından necə
çıxması üzərində qurulub.

Serialın süjeti iyirmi il əvvəl rayon mərkəzlərindən birindəki faciə ilə başlayır.
İlk olaraq rayon xəstəxanasında Həkim-Ginekoloq işləyən 30 yaşlı Zərifə xanımı
görürük. Onun bacısı Lətifə iki qız anasıdır, indi də üçüncünü doğmağa gəlib. Əri
Mürsəl çox sərt, qəddar acı adamdır və əriylə qaynanası Şükufə xanım Lətifənin məhz
oğlan doğacağına əmindirlər. Əvvəlki yoxlamalarda həmiklər ehtimal ediblər ki,
dünyaya gələcək körpə oğlan uşağıdır.
Doğuşa girməmişdən əvvəl Lətifə bir daha öz bacısına bildirir ki, birdən oğlan yox,
qız olsa, ərim məni evə buraxmaz, başıma oyun açar..
Zərifə də bildirir ki, qarnında uşağın vəziyyəti yaxşı deyil, bu saat oğlan-qız dərdi
çəkmək lazım deyil, əsas doğuşun uğurla başa çatmaısdır.
Prosses başlayandan sonra prooblemlər ortaya çıxır, Lətifənin təzyiqi düşür, huşu
gedir. Uşağı əməliyyat eləyib götürəsi olurlar…
Elə bu vaxt xəstəxanaya təcili başqa xəstə də gətirirlər. Məlum olur ki, Bakıdan
rayona gələn bir qadın yolda qəzaya uğrayıb, hamilə olduğuna görə şok keçirdib,
vəziyyəti ağırdır. Qadının sürücüsü onu başqa maşına qoyub xəstəxanaya gətirib…
Zərifə xanım hər iki doğuş prossesini başa çatdırır, qəzaya düşən qadının oğlu olur.
Lakin Lətifənin uşağı isə əksinə, hamının gözlədiyinin əksinə olaraq, oğlan yox qız
olur…
Gecə yarı qəzaya düşən qadının vəziyyəti kritikləşir, güclü qanaxmaları başlayır,
məlum olur ki, qəza vaxtı daxili orqanları da çox zədələnib… Həkimlər nə qədər
çalışsalar da onun həyatını xilas eləmək olmur…
Sonra Zərifə görür ki, Lətifənin vəziyyəti yaxşılaşıb, özünə gəlib, qadın öz bacısından
israrla soruşur ki oğlum necədi, oğlumu görmək istəyirəm…
Zərifə ona heç cür deyə bilmir ki, oğlun yox, qızın olub. Böyük tərəddüddən sonra
bacısına deyir ki oğlun olub.
Sonra gedib uşaqları dəyişdirir, ölən qadının oğlunu öz bacısına yazdırır, bacısının
qızını isə ölən qadının adına…
Səhər ölən qadının əri özünü çatdırır, və Zərifə ona başsağlığı verir, və kişiyə qızı
göstərir. Kişi deyir ki, mənim iki oğlum var, tale sevdiyim qadını məndən aldı, amma
əAllah vəzində bu qızı verdi.
Kişi qızı qəbul edir, Bakıya aparır…

Paralel xəttdə də görürük ki, Lətifənin əri Mürsəl və qaynanası xəstəxana həyətində
sevincəkdilər , çünki iki qızdan sonra Lətifənin oğlu olduğu xəbəri onları çox
sevindirir..
Nəhayət Zərifə xanımı öz otağında tək görürük, o öz özüylə danışır, ürəyində allahdan
bağışlanmasını istəyir və deyir ki, zahirən bəlkə də böyük günah eləmişəm, amma
bəlkə də günah deyil, savabdı, oğlu olmayan ailəyə oğul, qızı olmayan ailəyə qız
qismət oldu….
***
Hadisələrin davamı iyirmi il sonra Bakıda cərəyan edir.
Baharın ailəsini görürük. Onun atası Şakir müəllim sahibkardır, bir neçə ticarət
obyekti var. İsmayıl və İbrahim adında iki oğlu var. İsmayıl böyük oğludur, evlidir,
bir uşağı var. İbrahim isə hələ subaydır.
İyirmi il əvvəlki faciə zamanı Şakir müəllimin arvadı öləndən sonra rəsmi
evlənməyib. Lakin görüşdüyü bir xanım var.
Evdə Baharın ailə qurmasıyla bağlı müzakirələr gedir, məlum olur ki, Şakir müəllimin
bir ortağının oğlu Baharı çox sevir, onun almaq istəyir, lakin Bahar hələ dəqiq cavab
verməyib, düşünür…

***
Paralel xətdə Hüseynin ailəsini görürük.
Mürsəlgil təzəlikcə ailəvi Bakıya köçüblər. Lakin təsadüf elə gətirib ki, Bahargilin
ailəsinin yaşadığı qəsəbədə ev alıblar.
Mürsəlin anası artıq vəfat edib, o, arvadı Lətifə xanım, qızı və oğlu Hüseyn bir yerdə
yaşayırlar.
Lətifə xanımın bacısı, ginekoloq həkim Zərifə xanım da, onlarla birgə Bakıya
(Bakıətrafı qəsəbələrdən birinə) təzəcə gəlib, burada xəstəxanada işləyir, bir həyət
evində yaşayırlar. Bakıdakı həyət evinin Mürsəllə Zərifə xanım birlikdə pul qoyub
alıblar.
Zərifə xanımın ailəsi yoxdur, qısa müddət ərdə olub, əri dünyasını dəiyşib, ondan
sonra ərə getməyib, öz həyatını sənətinə və bacısının ailəsinə həsr edib.
Mürsəl qəsəbədəki Avtosevsisdə işləyir, böyük Ülfət qızı ərdədir, əri Zaur da elə
yaxınlıqda yaşayır, Mürsəllə eyni Avtoservisdə çalışırlar…
Mürsəlin ikinci qızı Aydan isə hələ subaydın, məktəbi bitirib , ali məktəbə hazırlaşır.
Hüseyn isə ali məktəbdə oxuyur, lakin dərsdən sonra o da Avtoservisdə atasına
kömək eləyir…
***

Bundan sonra Baharla Hüseynin təsadüfi tanışlıq prossesini görürük.
Qəsəbədəki Poçt şöbəsidə nəsə sənəd alarkən, məlum olur ki hər ikimi eyni gündə,
martın 21 anadan olublar. Lakin ilk ünsiyyətləri ani və ötəri olur.
Bir neçə gün sonra ali məktəblərin hansısa bir tədbirində yenə üz üzə gəlirlər, bir
birini xatırlayırlar, bu dəfə daha çox ünsiyyyətdə olmağa məcbur olurlar, dostluqları
genişlənir. Lakin qız özü, ailəsi evi haqqında çox şey danışmır, qısa şəkildə deyir ki,
atamın xasiyyəti çox ağırdır, heç vaxt kənarda ailə haqqında danışmaz, bizi də
uşaqlıqdan belə öyrəşdirib, ailənin içi barədə heç kimə danışmırıq...
Bir dəfə tədbirdə bir az gec çıxırlar, Hüseyn təkid edir ki, Baharı evlərinəcən ötürsün,
qız əvvəl razılaşır, lakin məhəlləyə yaxınlaşanda , deyir ki, lap qapıya qədər gəlmə,
evdəkilərin xasiyyəti ağırdır, belə şeyləri qəbul eləmirlər..
Qız gedəndən sonra Hüseyn bir müddət gözləyir, sonra ona sms yazır, məlum olur ki
qız salamat çatıb evə.
Bundan sonra Hüseyn də öz maşınına oturub getmək istəyəndə görür ki, evlərin
arasıyla gələn bir maşının qarşısını kəsdilər, sükan arxasında oturan kişiyə hücum
elədilər, Hüseyn bunu görüb cəld müdaxilə edir, gələnləri döyür, qovur, yaralı kişini
xəstəxanaya gətirir...
Kişi xəstəxanada özünə gəlir, oğlanlarına zəng vurur, onlar gəlirlər... Kişi Hüseynə də
təşəkkür edir, amma nömrə verib xahiş edir ki, üç gün sonra mütləq onun yanına
gəlsin..
Kişi xəstəxanadan çıxandan sonra Hüseynlə görüşürlər, Hüseynə iş təklif edir, o da
evdəkilərə maddi yardım eləməkçün razılaşır, kişinin sürücü-mühafizəçisi olur...
Lakin Hüseyn bilmir ki, bu kişi əslində Baharın atası, dolayısı ilə isə öz atası Şakir
müəllimdir....
Beləcə , hadisələr yenə də qəribə bir şəkil alır... Hüseyn bilir ki, Bahar bu qəsəbədə
yaşayır. Amma evlərinin yerini bilmir. Ailələrinə də bələd deyil.
Şakir müəllimin də yalnız özünü gəzdirdiyinə görə, onun evinə gedib gəlmir, yalnız
qapıdan onu götürür...
Paralel Hüseyn Baharla görüşür, lakin sürücü işinə düzəldiyini qızdan gizlədir, sürücü
işlədiyinə görə xəcalət çəkir....
Onların sevgisi bir az da güclənir. Hüseyn Baharı öz bacılarıyla , anasıyla da tanış
edir. Onların evində olarkən Bahar qəribə hisslər keçirdir…
Lakin məlum olduğu kimi, Baharın ailəsi onu Rusiyadakı biznesmenin oğluna ərə
verməyə hazırlaşır.
Beləcə sevənlərin arasında maneələr yaranmağa başlayır, Bahar ərə getməyə qəti
etiraz edir, onun atası və qardaşları xəbər tuturlar ki, o bir nəfərlə görüşür.
Qızın dalıyca adam salandan sonra məlum olur ki onun görüşdüyü adam elə öz
sürücüləridir.

Bundan sonra mübahisə bir qədər də qızışır, Şakir müəllim Hüseyni qovur, lakin
Bahar inadından əl çəkmir, Hüseyni sevdiyini bildirir...

Baharın qarqaşları gedib Avtoservisdə Hüseyni tapırlar, mübahisə düşür, mübahisə
vaxtı Hüseynin byöük bacısının əri ZAur özünü irəli verir, onu vururlar, Zaur komada
xəstəxanaya düşür. Mürsəl kişi ŞAkir müəllimlə mübahisə edir, konflikt bir qədər də
böyüyür, Şakir müəllimin oğlanları yenə Hüseyni hədələyirlər.
Mürsəlin arvalı və qızları da öz növbələrində BAharı tapıb hədələyirlər ki
qardaşımçün probemlər yaradırsan, Zaur vuruldu sənə görə, əl çək qardaşımızdan, çıx
onu həyatından..
Süjetin əsas incə məqamı ondan ibarətdir ki, Şakir müəllim bilmir ki, düşmən kimi
hədələyib öldürtmək istədiyi Hüseyn əslində öz övladı, üstünə göndərdiyi oğlanlarının
qardaşıdır…
Mürsəl müəllimin arvadı və qızları da bilmirlər ki, üstünə hücum eləyib hədədikləri
Bahar əslində onların öz bacılarıdır.
Həqiqəti isə bircə Zərifə xanım bilir. Zaur xəstəxanada olarkən, Şakir müəllim ora
gələndə, Zərifə xanım onu tanıyır və başa düşür ki, əslində iyirmi il eyni gündə
anadan olan və onun dəyişdirdiyi uşaqlar indi təzədən bir birini tapıblar. Lakin indi
onların qarşısında daha böyük maneələr dayanır. Təbii ki bu sirri Zərifə xanımdan
başqa heç kim bilmir. Və sirrin nə vaxtsa açılıb açılmaması da serialın ən maraqlı
məqamlarından birini təşkil edəcək…
Bu sirin ətrafında baş verən gərgin konfliktlər, Hüseynin BAharı götürüb qaçması,
ailələrinin onları axtarması, gərgin macaralar serialın əsas xəttini təşkil edəcək,
bundan əlavə serialda çoxsaylı köməkçi süjetlər də olacaq ki, dinamikanın aşağı
düşməsinə imkan verməyəcək. Bu köməkçi xətlər daha çox detektiv kriminal
motivlərdə olacaq, və Şakir müəllimin oğlanlarının məşğul olduğu kriminal işlərlə
bağlı olacaq.

O Gecə

Uzun illər ərzində tamaşaçıların sevimlisinə çevirlən və yüksək reytinqlər
əldə edən «Bir qadın» serialının növbəti, dördüncü mövsümü də ənənəvi olaraq,
maraqlı süjet xətti üzərində qurulub və çoxsaylı dramatik konfliktlərlə, gərgin
situasiyalarla, gözlənilməz hadisələrlə zəngindir.
Serialın əsas süjet xətti baş qəhrəman olan Gülzarın və onun ailəsi üzərində
qurulub. Lakin bu dəfə süjet üçün gözlənilməz hadisə ondan ibarətdir ki, Gülzar
təkcə öz ailə üzvlərinin yükündən əlavə, həm də ölən bacısı Lətafətin yetim qalan
qızlarının yükünü də öz çiyinlərinə götürməlidir. Bu isə o qədər də asan deyil,
çünki yetim qalmış yeniyetmə qızların mirasına sahib olmaq üçün Lətafətin məkrli
və hiyləgər əmisi Nadir və onun ailəsi var qüvvələriylə mübarizə aparır. Onların
əsas məqsədi Gülzarı uzaqlaşdırmaq, yetim qalmış yeniyetmələri öz himayələrinə
götürməklə, onların mirasına sahib olmaqdır. Lakin Gülzar bütün qüvvəsini sərf
edərən sinəsini irəli verir, yetim qızları tamahkar əminin məkrindən qoruyur.
Bundan əlavə süjetdə Gülzarın qudası Zöhrə xanımın ailəsində baş verən
hadisələr də paralel süjet xətti olaraq davam edir. Zöhrənin oğlu Davudla ögey
qardaşı Murad arasında olan konfliktlər və Muradla arvadı Simuzərin Davudu bu
evdən sıxışdırıb çıxartmaq cəhdləri süjet xəttinin leytmotivini təşkil edir.
Bunlardan əlavə serialda çoxsaylı köməkçi süjet xətləri və dramatik
konfliktlər var ki bu da serialın daha dinamik və maraqlı olmasına xidmət edir.

Bir Qadın

Canım Qayınatam

Serialın əsas ideyası erkən nigahlar, qadın zorakılığı, ailədə valideyinlərin  övladlar üzərindəki   təzyiqi və yönləndirilməsi, ailə münaqişələridir. Cərəyan edən hadisələr bir ailənin ətrafında baş versə   də əslində   cəmiyyətin problemidir. Bu problemlərin həlli cəmiyyətin maariflənməsi, prototiplərin tənqidi və onlar dramını, faciəsini göstərmək, ekranlaşdırmaq   yoluyla aradan qaldırıla bilər. Serialın başlıca məqsədi və məramı da məhs budur.

Məhkumlar

Serialın əsas süjet xətti Dillər universitetini yeni bitirib təyinat alan və Bakıda müəyyən şəxsi problemlər yaşadığına görə əyalətə işləməyə gedən Nərgiz adlı 22 yaşlı gənc, iradəli, savadlı bir xanımın taleyi üzərində qurulub.
Səma Şahin adlı gənc bir oğlanla bir-birini seviblər, lakin Şahinin atası onu başqa bir qıza nişanlayıb. Şahin neçə müddətdir nişanı qaytarmağına söz versə də, atasının iradəsinin ziddinə gedə bilmir. Məhz buna görə də Səma nə qədər ağrılı da olsa, qətiyyətlə hökm verir ki, onlar ayrılmalıdır. Şahin nə qədər israr edib bir az da gözləməyi xahiş etsə də, Səma daha ona inanmır, öz qərarından dönmür, Şahindən ayrılıb ondan uzaqda yaşamaq üçün  rayonlarından birinə işləməyə gedəcəyini bildirir.  
Serialın əsas məzmunu Nərgizin işlədiyi rayonda başına gələn hadisələrdən, rastlaşdığı insanlardan, şahidi olduğu müxtəlif konfliktlərdən, bəhs edir. 
Serialdakı hadisələr fonunda dövlətin, əyalətin inkişafı üçün yaratdığı bütün şərait – kommunal problemlərin həlli, təhsilin yüksək səviyyəyə qaldırılması, sahibkarlığa hər cür dəstək olunması və işgüzar fəaliyyətə imkanların yaradılması, maliyyə yardımı, yeni iş yerlərinin açılması, bölgənin mədəniyyət sahəsindəki inkişaf hərtərəfli şəkildə göstəriləcəkdir…
Serialdakı mənfi qüvvələr də süjetin maraqlılığına xidmət edir və bu yeniləşmənin qarşısını kəsməyə çalışan, əyalətin inkişafına mane olan azsaylı ünsürlərdir ki, onlar da süjet boyu müsbət qəhrəmanlar tərəfindən ifşa ediləcəklər…

Günəşim ol

"Əlvida, xoşbəxtlik" serialı bir qadının yaşadığı xəyanətdən bəhs edir. Serialın baş qəhrəmanı Nigar ərinin xəyanəti ilə üzləşir. Məlum olur ki, ona xəyanət edən təkcə əri yox, bütün əziz, yaxın bildiyi adamlardır. Bir anın içində bütün doğmalarından zərbə alan qadının iztirabı, qisası, həyat uğrunda mübarizəsi, eyni zamanda ana kimi övladına görə verdiyi qurbanlar serialın ana xəttini təşkil edir.
Ülviyyə Rza, Vüsal Murtuzəliyev, Zemfira Əbdülsəmədova, Firdovsi Atakişiyev, Zülfiyyə Məmmədova, Xumar Səlimova, Elvin Ağayev, Elvira Atakişiyeva və digərlərinin rol aldığı "Əlvida, xoşbəxtlik" serialının baş prodüseri Yaşar Əhmədov, redaktoru İlqar Fəhmi, quruluşçu rejissoru Vüsal Məmmədov, quruluşçu operatoru Mehdi Yaqubdur.
Qeyd edək ki, serial ATV telekanalında həftə içi dörd gün yayımlanır.

Əlvida Xoşbəxtlik 

Real hekayələr əsasında hazırlanan layihə hər həftənin cümə günü, saat 21.30-da “Kanal S” və “Metaflix”də efirə gedəcək.

Baş produser Yaşar Əhmədov Layihənin rəhbəri Kənan Yusifov, Elsevər Camal və Azər Səlimli, rejissoru Vüsal Məmmədov, ssenari müəllifi Könül İsayeva Səlimli, Kənan Yusifov, Elsevər Camal, Azər Səlimli və psixoloq Fidan Nizamovadır.

Qeyd edək ki, “Psixoloqun gündəliyi” ssenarisi hər tamaşaçı üçün terapiya şansı olacaq.

Hər insanın xarakteri uşaqlığının pəncərəsi, hər problemin səbəbi bir uşaqlıq travmasıdır. Bu layihədə psixoloq qəhrəmanının tez-tez fərqli xarakterlərin hekayələri ilə tanış olur. Nəzərə alsaq ki, cəmiyyətimizdə psixoloqa getmək birmənalı qarşılanmır bu layihə real insan həyatlarına əsaslanaraq psixoloji problemləri olan tamaşaçı üçün bir terapiya seansı olacaq.

Psixoloqun Gündəliyi

Serialın süjeti iki paralel xəttlə başlayır....

Birinci süjet xəttində Fuadin ailəsindəki problemlər
işıqlanır....

Onun ortancıl bacısı Ləmanın əri avaranın biridir, içkiyə
qurşanıb, işdə üstündə böyük pullar qalıb...

Fuad nə qədər çalışsa da, onun işini düzəldə bilmir, onlar
evlərini satıb idarənin pulunu verməli olurlar və evsiz
qaldıqlarına görə Fuadgilin yanına köçürlər...

Fuadin böyük bacısı Aytən müəllimədir, ərə getməyib.
Amma dərs dediyi uşaqlardan birinin əlli yaşlı atası onunla
ünsiyyətdədir. Kişinin arvadı ölüb, iki uşağı var... amma
Aytən onunla pərdə saxlayır, hələ çox yaxına buraxmır...

Fuadın qızıyla da problemləri çoxdur. Nənəsi Cahan xanım
qızı ərköyün böyüdüb, uşaq ali məktəbə daxil olub, indi də
sərbəst həyat yaşayır, tez tez problemləri olur, Fuad
müdaxilə edir. Hər dəfə də Fuadla Cahan xanım arasında
mübahisələr olur, Fuad onu ittiham edir ki, qızı çox ərköyün
böyüdürsüz, Cahan xanım da bildirir ki, yeganə qızımın
yadigarıdır, mən onunla sərt ola bilmərəm...

Fuad öz qızını öz evində saxlaya bilmir, çünki maddi vəziyyət
yaxşı deyil, nənəsi daha varlı olduğuna görə, qızın təhsil
haqqını bütün xərclərini ödədiyinə görə, Fuad qızının nənə
yanında qalmasını çarəsiz də olsa qəbul edir.

İkinci süjet xəttində isə Mərdan müəllimin ailəsindəki gərgin
vəziyyət görünür...

Mərdan müəllim ağır xəstədir. Amma çətinliklə də olsa işə
gedib gəlir. Şirkətdə Akif hansıa maliyyə maxinasiyasının
üstü açılır, Mərdan müəlim əsəbi şəkildə evə gəlir, evdə
Akifa ağır mübahisə edir, Natavan xanım irəli gəlib onu
müdafiə edir. Amma əsəbləşən Mərdan müəllim ürəyini
tutur, özünü pis hiss edir, divana yıxılıb qalır, ürək
dərmanını istəyir...

Natavan xanımla qardaşı Akif bir birinə baxırlar, amma nə
dərman verirlər, nə də həkim çağırmırlar... Mərdan müəllim
təngnəfəs halda xırıldayır...

Elə bu vaxt balaca Mərdan otağa girir, vəziyyəti görür,
amma heç nə başa düşmür, babasının xırıldadığını görüb
üstünə cümür, qışqırır... Amma nənəsi onun qolundan tutub
otaqdan bayıra atır...

Nəhayət kişi keçinir, yalnız bundan sonra Natavan xanımla
qardaşı həkim çağırırlar...

Mərdan müəllimin ölümündən sonra Natavan xanım Aynurı
oğluyla birlikdə evdən qovur, Aynur küçədə qalır, atasının
evinə qayıdır... Əri Kamil də anasının tərəfində olur, arvadını
rədd eləmək istəyir, çünki məşuqəsi var, onunla bir yerdə
olmaq istəyir...

Lakin bir müddət sonra Mərdan müəllimin köhnə dostu olan
notarius gəlir, və ailəni bir yerə yığıb bəyan eləyir ki, Mərdan
müəllim vəsiyyətnamə yazıb və bütün mülkləri, şirkəti
nəvəsi balaca Mərdana qoyub...

Sən Olmasaydın

Laləli Saray

Fərhad özünü pis hiss etdiyinə görə həkimə gedir. Və analizlərin cavabı onun
ölümcül xəstə olduğunu göstərir. Bunu bilən Fərhad daxilən çox sarsılır. Ən çox da
onun narahtlığına səbəb ailəsinin gələcəyi ilə bağlı bədbin düşüncələrdir. Fikirləri
bir-birinə qarışan Fərhad elə düşünür ki, ona bir şey olsa ailəsi ac qalacaq, məhv
olacaq, ocağı sönəcək. Və bu qarışıq fikirlər içində qərara gəlir ki, təcili hansısa bir
yolla böyük pullar əldə edib ailəsinin gələcəyini təmin eləsin. Elə bu vaxt ötən
həftə sürücüsü olduğu Arifin evinə daxil olarkən, təsadüfən onun şkafdan pul
götürdüyünü xatırlayır. Bir qədər tərəddüddən sonra Fərhad gecəylə həmin o evə
girib pulları götürür. Lakin, qeyri ixtiyari bir qətl törədir

Seriallar