Serialın əsas ideyası erkən nigahlar, qadın zorakılığı, ailədə valideyinlərin  övladlar üzərindəki   təzyiqi və yönləndirilməsi, ailə münaqişələridir. Cərəyan edən hadisələr bir ailənin ətrafında baş versə   də əslində   cəmiyyətin problemidir. Bu problemlərin həlli cəmiyyətin maariflənməsi, prototiplərin tənqidi və onlar dramını, faciəsini göstərmək, ekranlaşdırmaq   yoluyla aradan qaldırıla bilər. Serialın başlıca məqsədi və məramı da məhs budur.

Məhkumlar

"Stand-Up Baku " Dünyaca məşhur olan stand up janrinin Azərbaycan lahiyəsidir

Stand-Up Baku

Mustafa adlı bir nəfər kəntdən Bakıya işləməyə gəlir. O, qalmaq üçün Əliş adlı dələduz dostunun evinə yollanır lakin Əlişin kirayə qaldığı evdən qovulduğunu görən Mustafa məcbur qalıb onunla başqa bir kirayə evdə qalası olur. Bakıya düşəndən bəri, Mustafa kəntdən tələbəyə göndərilən bir yekə sumka pay-puşu özü ilə daşıyası olur. Telefonu götürməyən tələbənin payını evə gətirib yemək qərarına gələn dostlar sonda sürprizlə qarşılaşırlar. Film boyu, Mustafa Əlişin hər yerdə dələduz kimi tanınmasına baxmayaraq ona inanır və Əlişin verdiyi vədlərlə Bakıda qalıb işləməyi davam edir. Əliş isə öz növbəsində bütün “moşennik” əməlləində saf və sadəlöv olan Mustafadan istifadə edir. Film, dostların maraqlı və yumor dolu sərgüzəştləri ilə davam edir.

Maşennik Artıq Metaflix-də

Ziyanın əlindən qurtulan Bəxtiyar Ayselə söz verdiyi kimi onun qisasını almağa hazırlaşır. Bacısı Fidanın qaçırılması onun əlini qolunu bağlasa da Fərid və Emin onu getdiyi yolda tək buraxmayacaq. Bəxtiyar Ayselin qisasını ala biləcəkmi?

"S.Ə.S" Yeni sezon

Serialın əsas süjet xətti şirkətin baş mühasib Şükufə xanımın qızı Nigarın
qaçırılması ilə başlayır...
Gecə vaxtı Natiqin kiçik qardaşı Nurlan Nigarı qaçırdır ki onunla evlənsin.
anası vasitəsiylə özünə bir şərait qursun, qardaşının diktəsi altından çıxsın...
(Nurlan əvvəl də Nigarla sevdiyini bildirsə də, Nigar yaxın buraxmamışdı)
Lakin Şükufə xanım da qızının kim tərəfindən qaçırıldığını bilmir, qonşular onu
qaçıran maşının nömrəsini görür, qohumlar bu nömrəylə Nurlanı tapılar,
Şükufə xanımın qohumları, Nurlanı bıçaqlatdırır.
Natiqə xəbər gəlir ki qardaşın qız qaçırdıb, qızın qohumları onu
bıçaqlayıblar...
Yalnız səhər məsələ aydınlaşır, xəbər tuturlar ki Şükufənin qızını qaçırdan elə
Natiqin kiçik qardaşı olub. Hər iki ailənin içinə dava dalaş düşür, lakin Natiq bir
yerdə işlədikləri Şükufə xanımla münasibəti pozmağa cəhd eləmir, birtəhər
onu dilə tutub sakitləşdirir, çalışır ki şirkətin rəhbəri Kamal müəllim heç nə
bilməsin...
Bu tərəfdən Nurlan bıçaqlanıb xəstəxanaya düşdüyünə görə, onun anasıgili
Nigarı evdən qovurlar, oğlanlarının bıçaqlanmasında onu ittiham edirlər..
Qovulan Nigar öz evlərinə qayıdır, lakin öz anası da onu qəbul etmir, elə bilir
ki, könüllü qoşulub qaçıb. Şükufə xanım da Nigarı qovur, Nigar qaçıb gedir,
amma Natiq onu tapıb yenidən öz evlərinə gətirir. Serialın bu süjet xətti
Nigarın faciəsi üzərində qurulub. O hamilə qalır və Nurlanla bir evdə, dava
dalaş içində yaşamağa məhkum olur, başına daim dramatik hadisələr gəlir.
Digər süjet xəttində daha bir məzlum qadın - Günəşi görürük. (Natiqin bacısı)
Natiq onu zorla öz sevgilisindən ayırıb, şirkətin rəhbəri Kamal müəllimin oğlu
Tahirə verib ki, şirkət rəhbəri ilə qohum olsun, idarədə hansısa əyri işlərini
örtbasdır edə bilsin...
Tahir avara həyat tərzi keçirdən, qadın düşkünüdür, və ata-anası düşünüb ki,
onu evləndirsələr bəlkə düzələr. Lakin Günəşlə evlənəndən sonra Tahir öz
tüfeyli həyatını davam edir, həm şirkətin mühasidi Şükufənin kiçik qızı
Nərminlə gizli görüşürlər, həm də öz uzaq qohumları, şirkətdə işləyən ailəli
Çimnazla münasibətləri var...

Günəş ərə gəldiyi ailədə çox zülüm çəkir, qaynanası Həcər xanım onu daim
ittiham edir ki biz səni gətirdik, oğlumuzu evə yığasan, amma əlindən bir şey
gəlmir, oğlum yenə avaraçılıqdadı, səndən bir səmər gəlmədi... Günəş
hamilədir, oğlu olacağını bilirlər, doğuşuna az qalıb, lakin çox ağır təzyiq
altında olduğuna görə uşağa görə çox narahatdır. O evdə yalnız qaynatası
Kamal müəllim Günəşi müdafiə edir, çünki ilk nəvəsini həvəslə gözləyir, öz
adını qoymaq istəyir.
Bu süjet xəttində konflikt onunla başlayır ki, Çimnazın əri gəlib onu Tahirlə
birlikdə tutur, mübahisə zəminində Tahir özünü müdafiə zamanı Çimnazın
ərini öldürür. Onlar birtəhər meyiddən qurtulurlar, lakin əsəbi evə gələn Tahir
özünü sakitlədirməkçün çoxlu içir, Günəş onunla mübahisə edir və sərxoş
Tahir onu döyür.
Tahir çıxıb gedəndən sonra Günəşin vəziyyəti pisləşir, Həcər xanım Kamalə
demir ki, Tahir günəşi döyüb, özü Natiqə zəng vurur, gəlib qızı xəstənaya
aparırlar.
Orda məlum olur ki, döyülmə zamanı Günəş ağır xəsarət alıb, qarnındakı
uşaq da tələf olub...
Natiq başa düşür ki, bacısının uşağı olmasa , onun Kamal müəllimin ailəsi
içində qalmağı problemli ola bilər, ona görə uşağın öldüyünü hamıdan gizlədir,
onun yerinə ortancıl qardaşının yeni doğulan körpəsini Günəşin uşağı kimi
təqdim edirlər. Bu uşaq dəyişmə işini Natiqin məşuqəsi olan həkim xanım
həyata keçirdir.
Ayılandan sonra Günəşə deyirlər ki uşağın sağ salamat olub, amma Natiqin
qardaşı arvadına deyirlər ki uşağın ölüb...
Bunlardan əlavə serialda daha bir neçə gərgin dramatik paralel süjet xətləri
də nəzərdə tutulub ki bu da serialın dinamikasının, temporitminin yüksək
səviyyədə saxlanılmasına xidmət edir.

İntizar

Nuru və Miri hər şeyini itirmiş aktyorlardir. Onlar nəhayət işlərini də itirdikdən sonra yenidən həyatlarini qurmaq məcburiyyətində qalırlar. Sevdiyi qızı ala bilmiyən Miri və ailəsi tərəfindən tərk edilən Nuru əl-ələ verib bu çətin vəziyyətdən çıxmalıdırlar. Bütün bu çətinliklər fonunda kredit götürmək üçün girdikləri bankda başlarına gələn hadisədən sonra onlar özlərini tamamilə yeni reallığin içində tapırlar. Aktyor dostlar artiq tanımadıqları bir adamın «Qara-Qura» işlərini görmək məcburiyyətindədirlər.

Qara-Qura İşlər

Serial yeni ailə münasibətlərindən, tərbiyə məsələlərindən, Ögey ana - Sevincin uşaqların ürəyinə yol tapmaq cəhdlərindən bəds edir.

Ögey ana 

Toy Gecəsi

"Əlvida, xoşbəxtlik" serialı bir qadının yaşadığı xəyanətdən bəhs edir. Serialın baş qəhrəmanı Nigar ərinin xəyanəti ilə üzləşir. Məlum olur ki, ona xəyanət edən təkcə əri yox, bütün əziz, yaxın bildiyi adamlardır. Bir anın içində bütün doğmalarından zərbə alan qadının iztirabı, qisası, həyat uğrunda mübarizəsi, eyni zamanda ana kimi övladına görə verdiyi qurbanlar serialın ana xəttini təşkil edir.
Ülviyyə Rza, Vüsal Murtuzəliyev, Zemfira Əbdülsəmədova, Firdovsi Atakişiyev, Zülfiyyə Məmmədova, Xumar Səlimova, Elvin Ağayev, Elvira Atakişiyeva və digərlərinin rol aldığı "Əlvida, xoşbəxtlik" serialının baş prodüseri Yaşar Əhmədov, redaktoru İlqar Fəhmi, quruluşçu rejissoru Vüsal Məmmədov, quruluşçu operatoru Mehdi Yaqubdur.
Qeyd edək ki, serial ATV telekanalında həftə içi dörd gün yayımlanır.

Əlvida Xoşbəxtlik 

Uzun illər ərzində tamaşaçıların sevimlisinə çevirlən və yüksək reytinqlər
əldə edən «Bir qadın» serialının növbəti, dördüncü mövsümü də ənənəvi olaraq,
maraqlı süjet xətti üzərində qurulub və çoxsaylı dramatik konfliktlərlə, gərgin
situasiyalarla, gözlənilməz hadisələrlə zəngindir.
Serialın əsas süjet xətti baş qəhrəman olan Gülzarın və onun ailəsi üzərində
qurulub. Lakin bu dəfə süjet üçün gözlənilməz hadisə ondan ibarətdir ki, Gülzar
təkcə öz ailə üzvlərinin yükündən əlavə, həm də ölən bacısı Lətafətin yetim qalan
qızlarının yükünü də öz çiyinlərinə götürməlidir. Bu isə o qədər də asan deyil,
çünki yetim qalmış yeniyetmə qızların mirasına sahib olmaq üçün Lətafətin məkrli
və hiyləgər əmisi Nadir və onun ailəsi var qüvvələriylə mübarizə aparır. Onların
əsas məqsədi Gülzarı uzaqlaşdırmaq, yetim qalmış yeniyetmələri öz himayələrinə
götürməklə, onların mirasına sahib olmaqdır. Lakin Gülzar bütün qüvvəsini sərf
edərən sinəsini irəli verir, yetim qızları tamahkar əminin məkrindən qoruyur.
Bundan əlavə süjetdə Gülzarın qudası Zöhrə xanımın ailəsində baş verən
hadisələr də paralel süjet xətti olaraq davam edir. Zöhrənin oğlu Davudla ögey
qardaşı Murad arasında olan konfliktlər və Muradla arvadı Simuzərin Davudu bu
evdən sıxışdırıb çıxartmaq cəhdləri süjet xəttinin leytmotivini təşkil edir.
Bunlardan əlavə serialda çoxsaylı köməkçi süjet xətləri və dramatik
konfliktlər var ki bu da serialın daha dinamik və maraqlı olmasına xidmət edir.

Bir Qadın

İlqar Fəhminin povestinin motivləri əsasında çəkilmişdir. Serialda üç dost Tural (Ülvi Həsənli), Kamran (Tural Əhməd) və Səlim evdə toplaşaraq yeyib-içirlər. Sonradan Kamran (Tural Əhməd) və Səlim arasında mübahisə düşür. Və mübahisə nəticəsində Kamran (Tural Əhməd) Səlimi bıçaqlayaraq öldürür. Bu zaman Tural (Ülvi Həsənli) sərxoş olduğundan heç nədən xəbəri olmur və bundan istifadə edən Kamran (Tural Əhməd) Turala (Ülvi Həsənli) yalandan cinayəti onun etdiyini deyir və bütün hadisələr də bundan sonra başlayır.

Dəfnə Ağacı

Orxan və Bahar hər şeyi sevgilərinə qurban verir. Əl-ələ verib yeni, amma təhlükəli yolda birgə addımlamağa qərar verirlər. Onların taleyi necə olacaq?! Toy günü yarı yolda buraxdığı adamlar onları əfv edə biləcəkmi? Çatmaq istədikləri səadət onlara qismət olacaqmı? 
Sevgi – bir eşq hekayəsi

Sevgi

Real hekayələr əsasında hazırlanan layihə hər həftənin cümə günü, saat 21.30-da “Kanal S” və “Metaflix”də efirə gedəcək.

Baş produser Yaşar Əhmədov Layihənin rəhbəri Kənan Yusifov, Elsevər Camal və Azər Səlimli, rejissoru Vüsal Məmmədov, ssenari müəllifi Könül İsayeva Səlimli, Kənan Yusifov, Elsevər Camal, Azər Səlimli və psixoloq Fidan Nizamovadır.

Qeyd edək ki, “Psixoloqun gündəliyi” ssenarisi hər tamaşaçı üçün terapiya şansı olacaq.

Hər insanın xarakteri uşaqlığının pəncərəsi, hər problemin səbəbi bir uşaqlıq travmasıdır. Bu layihədə psixoloq qəhrəmanının tez-tez fərqli xarakterlərin hekayələri ilə tanış olur. Nəzərə alsaq ki, cəmiyyətimizdə psixoloqa getmək birmənalı qarşılanmır bu layihə real insan həyatlarına əsaslanaraq psixoloji problemləri olan tamaşaçı üçün bir terapiya seansı olacaq.

Psixoloqun Gündəliyi

Laləli Saray

Xəstə Qasım

Səni ürəyim sevdi 

Canım Qayınatam

Serialın əsas süjet xətti taleyi dolaşıq düşmüş iki yeniyetmə gəncin sevgisi, onların
qarşısını kəsən çoxsaylı maneələri necə dəf etməsi və həyatın ağır sınağından necə
çıxması üzərində qurulub.

Serialın süjeti iyirmi il əvvəl rayon mərkəzlərindən birindəki faciə ilə başlayır.
İlk olaraq rayon xəstəxanasında Həkim-Ginekoloq işləyən 30 yaşlı Zərifə xanımı
görürük. Onun bacısı Lətifə iki qız anasıdır, indi də üçüncünü doğmağa gəlib. Əri
Mürsəl çox sərt, qəddar acı adamdır və əriylə qaynanası Şükufə xanım Lətifənin məhz
oğlan doğacağına əmindirlər. Əvvəlki yoxlamalarda həmiklər ehtimal ediblər ki,
dünyaya gələcək körpə oğlan uşağıdır.
Doğuşa girməmişdən əvvəl Lətifə bir daha öz bacısına bildirir ki, birdən oğlan yox,
qız olsa, ərim məni evə buraxmaz, başıma oyun açar..
Zərifə də bildirir ki, qarnında uşağın vəziyyəti yaxşı deyil, bu saat oğlan-qız dərdi
çəkmək lazım deyil, əsas doğuşun uğurla başa çatmaısdır.
Prosses başlayandan sonra prooblemlər ortaya çıxır, Lətifənin təzyiqi düşür, huşu
gedir. Uşağı əməliyyat eləyib götürəsi olurlar…
Elə bu vaxt xəstəxanaya təcili başqa xəstə də gətirirlər. Məlum olur ki, Bakıdan
rayona gələn bir qadın yolda qəzaya uğrayıb, hamilə olduğuna görə şok keçirdib,
vəziyyəti ağırdır. Qadının sürücüsü onu başqa maşına qoyub xəstəxanaya gətirib…
Zərifə xanım hər iki doğuş prossesini başa çatdırır, qəzaya düşən qadının oğlu olur.
Lakin Lətifənin uşağı isə əksinə, hamının gözlədiyinin əksinə olaraq, oğlan yox qız
olur…
Gecə yarı qəzaya düşən qadının vəziyyəti kritikləşir, güclü qanaxmaları başlayır,
məlum olur ki, qəza vaxtı daxili orqanları da çox zədələnib… Həkimlər nə qədər
çalışsalar da onun həyatını xilas eləmək olmur…
Sonra Zərifə görür ki, Lətifənin vəziyyəti yaxşılaşıb, özünə gəlib, qadın öz bacısından
israrla soruşur ki oğlum necədi, oğlumu görmək istəyirəm…
Zərifə ona heç cür deyə bilmir ki, oğlun yox, qızın olub. Böyük tərəddüddən sonra
bacısına deyir ki oğlun olub.
Sonra gedib uşaqları dəyişdirir, ölən qadının oğlunu öz bacısına yazdırır, bacısının
qızını isə ölən qadının adına…
Səhər ölən qadının əri özünü çatdırır, və Zərifə ona başsağlığı verir, və kişiyə qızı
göstərir. Kişi deyir ki, mənim iki oğlum var, tale sevdiyim qadını məndən aldı, amma
əAllah vəzində bu qızı verdi.
Kişi qızı qəbul edir, Bakıya aparır…

Paralel xəttdə də görürük ki, Lətifənin əri Mürsəl və qaynanası xəstəxana həyətində
sevincəkdilər , çünki iki qızdan sonra Lətifənin oğlu olduğu xəbəri onları çox
sevindirir..
Nəhayət Zərifə xanımı öz otağında tək görürük, o öz özüylə danışır, ürəyində allahdan
bağışlanmasını istəyir və deyir ki, zahirən bəlkə də böyük günah eləmişəm, amma
bəlkə də günah deyil, savabdı, oğlu olmayan ailəyə oğul, qızı olmayan ailəyə qız
qismət oldu….
***
Hadisələrin davamı iyirmi il sonra Bakıda cərəyan edir.
Baharın ailəsini görürük. Onun atası Şakir müəllim sahibkardır, bir neçə ticarət
obyekti var. İsmayıl və İbrahim adında iki oğlu var. İsmayıl böyük oğludur, evlidir,
bir uşağı var. İbrahim isə hələ subaydır.
İyirmi il əvvəlki faciə zamanı Şakir müəllimin arvadı öləndən sonra rəsmi
evlənməyib. Lakin görüşdüyü bir xanım var.
Evdə Baharın ailə qurmasıyla bağlı müzakirələr gedir, məlum olur ki, Şakir müəllimin
bir ortağının oğlu Baharı çox sevir, onun almaq istəyir, lakin Bahar hələ dəqiq cavab
verməyib, düşünür…

***
Paralel xətdə Hüseynin ailəsini görürük.
Mürsəlgil təzəlikcə ailəvi Bakıya köçüblər. Lakin təsadüf elə gətirib ki, Bahargilin
ailəsinin yaşadığı qəsəbədə ev alıblar.
Mürsəlin anası artıq vəfat edib, o, arvadı Lətifə xanım, qızı və oğlu Hüseyn bir yerdə
yaşayırlar.
Lətifə xanımın bacısı, ginekoloq həkim Zərifə xanım da, onlarla birgə Bakıya
(Bakıətrafı qəsəbələrdən birinə) təzəcə gəlib, burada xəstəxanada işləyir, bir həyət
evində yaşayırlar. Bakıdakı həyət evinin Mürsəllə Zərifə xanım birlikdə pul qoyub
alıblar.
Zərifə xanımın ailəsi yoxdur, qısa müddət ərdə olub, əri dünyasını dəiyşib, ondan
sonra ərə getməyib, öz həyatını sənətinə və bacısının ailəsinə həsr edib.
Mürsəl qəsəbədəki Avtosevsisdə işləyir, böyük Ülfət qızı ərdədir, əri Zaur da elə
yaxınlıqda yaşayır, Mürsəllə eyni Avtoservisdə çalışırlar…
Mürsəlin ikinci qızı Aydan isə hələ subaydın, məktəbi bitirib , ali məktəbə hazırlaşır.
Hüseyn isə ali məktəbdə oxuyur, lakin dərsdən sonra o da Avtoservisdə atasına
kömək eləyir…
***

Bundan sonra Baharla Hüseynin təsadüfi tanışlıq prossesini görürük.
Qəsəbədəki Poçt şöbəsidə nəsə sənəd alarkən, məlum olur ki hər ikimi eyni gündə,
martın 21 anadan olublar. Lakin ilk ünsiyyətləri ani və ötəri olur.
Bir neçə gün sonra ali məktəblərin hansısa bir tədbirində yenə üz üzə gəlirlər, bir
birini xatırlayırlar, bu dəfə daha çox ünsiyyyətdə olmağa məcbur olurlar, dostluqları
genişlənir. Lakin qız özü, ailəsi evi haqqında çox şey danışmır, qısa şəkildə deyir ki,
atamın xasiyyəti çox ağırdır, heç vaxt kənarda ailə haqqında danışmaz, bizi də
uşaqlıqdan belə öyrəşdirib, ailənin içi barədə heç kimə danışmırıq...
Bir dəfə tədbirdə bir az gec çıxırlar, Hüseyn təkid edir ki, Baharı evlərinəcən ötürsün,
qız əvvəl razılaşır, lakin məhəlləyə yaxınlaşanda , deyir ki, lap qapıya qədər gəlmə,
evdəkilərin xasiyyəti ağırdır, belə şeyləri qəbul eləmirlər..
Qız gedəndən sonra Hüseyn bir müddət gözləyir, sonra ona sms yazır, məlum olur ki
qız salamat çatıb evə.
Bundan sonra Hüseyn də öz maşınına oturub getmək istəyəndə görür ki, evlərin
arasıyla gələn bir maşının qarşısını kəsdilər, sükan arxasında oturan kişiyə hücum
elədilər, Hüseyn bunu görüb cəld müdaxilə edir, gələnləri döyür, qovur, yaralı kişini
xəstəxanaya gətirir...
Kişi xəstəxanada özünə gəlir, oğlanlarına zəng vurur, onlar gəlirlər... Kişi Hüseynə də
təşəkkür edir, amma nömrə verib xahiş edir ki, üç gün sonra mütləq onun yanına
gəlsin..
Kişi xəstəxanadan çıxandan sonra Hüseynlə görüşürlər, Hüseynə iş təklif edir, o da
evdəkilərə maddi yardım eləməkçün razılaşır, kişinin sürücü-mühafizəçisi olur...
Lakin Hüseyn bilmir ki, bu kişi əslində Baharın atası, dolayısı ilə isə öz atası Şakir
müəllimdir....
Beləcə , hadisələr yenə də qəribə bir şəkil alır... Hüseyn bilir ki, Bahar bu qəsəbədə
yaşayır. Amma evlərinin yerini bilmir. Ailələrinə də bələd deyil.
Şakir müəllimin də yalnız özünü gəzdirdiyinə görə, onun evinə gedib gəlmir, yalnız
qapıdan onu götürür...
Paralel Hüseyn Baharla görüşür, lakin sürücü işinə düzəldiyini qızdan gizlədir, sürücü
işlədiyinə görə xəcalət çəkir....
Onların sevgisi bir az da güclənir. Hüseyn Baharı öz bacılarıyla , anasıyla da tanış
edir. Onların evində olarkən Bahar qəribə hisslər keçirdir…
Lakin məlum olduğu kimi, Baharın ailəsi onu Rusiyadakı biznesmenin oğluna ərə
verməyə hazırlaşır.
Beləcə sevənlərin arasında maneələr yaranmağa başlayır, Bahar ərə getməyə qəti
etiraz edir, onun atası və qardaşları xəbər tuturlar ki, o bir nəfərlə görüşür.
Qızın dalıyca adam salandan sonra məlum olur ki onun görüşdüyü adam elə öz
sürücüləridir.

Bundan sonra mübahisə bir qədər də qızışır, Şakir müəllim Hüseyni qovur, lakin
Bahar inadından əl çəkmir, Hüseyni sevdiyini bildirir...

Baharın qarqaşları gedib Avtoservisdə Hüseyni tapırlar, mübahisə düşür, mübahisə
vaxtı Hüseynin byöük bacısının əri ZAur özünü irəli verir, onu vururlar, Zaur komada
xəstəxanaya düşür. Mürsəl kişi ŞAkir müəllimlə mübahisə edir, konflikt bir qədər də
böyüyür, Şakir müəllimin oğlanları yenə Hüseyni hədələyirlər.
Mürsəlin arvalı və qızları da öz növbələrində BAharı tapıb hədələyirlər ki
qardaşımçün probemlər yaradırsan, Zaur vuruldu sənə görə, əl çək qardaşımızdan, çıx
onu həyatından..
Süjetin əsas incə məqamı ondan ibarətdir ki, Şakir müəllim bilmir ki, düşmən kimi
hədələyib öldürtmək istədiyi Hüseyn əslində öz övladı, üstünə göndərdiyi oğlanlarının
qardaşıdır…
Mürsəl müəllimin arvadı və qızları da bilmirlər ki, üstünə hücum eləyib hədədikləri
Bahar əslində onların öz bacılarıdır.
Həqiqəti isə bircə Zərifə xanım bilir. Zaur xəstəxanada olarkən, Şakir müəllim ora
gələndə, Zərifə xanım onu tanıyır və başa düşür ki, əslində iyirmi il eyni gündə
anadan olan və onun dəyişdirdiyi uşaqlar indi təzədən bir birini tapıblar. Lakin indi
onların qarşısında daha böyük maneələr dayanır. Təbii ki bu sirri Zərifə xanımdan
başqa heç kim bilmir. Və sirrin nə vaxtsa açılıb açılmaması da serialın ən maraqlı
məqamlarından birini təşkil edəcək…
Bu sirin ətrafında baş verən gərgin konfliktlər, Hüseynin BAharı götürüb qaçması,
ailələrinin onları axtarması, gərgin macaralar serialın əsas xəttini təşkil edəcək,
bundan əlavə serialda çoxsaylı köməkçi süjetlər də olacaq ki, dinamikanın aşağı
düşməsinə imkan verməyəcək. Bu köməkçi xətlər daha çox detektiv kriminal
motivlərdə olacaq, və Şakir müəllimin oğlanlarının məşğul olduğu kriminal işlərlə
bağlı olacaq.

O Gecə

Sosial-ictimai komediya janrında olan “İdarə” adlı çoxseriyalı bədii filmin əsas məzmunu cəmiyyətdə baş verən yeniləşmələr və bu yeniləşmələrə qarşı mübarizə aparan qüvvələrin müqaviməti təşkil edir. Yenilik tərəfdarı olan baş qəhrəman Aydın, digər tərəfində isə hər fürsətdə onu sarsıtmaq üçün planlar quran bir qrup passiv düşüncəli köhnə kollektiv dayanır. Vəzifəyə təyin olduqdan sonra yaranmış vəziyyətdən sui-istifadə edən qohumların “işə düzəltmə” davası başlayır. Yalnız atasından dəstək alaraq qarşı qüvvə ilə açıq şəkildə mübarizəyə başlayır. Bir müddət sonra Aydın bu mübariəzinin əhəmiyyətsiz olduğunu düşünərək işdən çıxmağa qərar verir. Elə həmin an gələn xəbər onun yenidən bu mübarizəyə qoşulmasına səbəb olur.

idarə

İdarə - Teaser

Bakı şəhərində həyata keçirilən ekran işinin mövsümün sonuna qədər yayımlanacağı planlaşdırılır. “Ekran əsərində, gündəlik həyatımızda qarşılaşdığımız ailə-məişət problemləri, ailə münaqişələri və onların çözüm yolları öz əksini tapır. Serialın hər bölümü tamaşaçılara müxtəlif hisslər: sevgi, nifrət, gülüş və göz yaşları yaşadır.” Altı ildir ailə qurmasına baxmayaraq uşağı olmayan Məryəm qaynanası ilə yola getmir. Nəsibə (Məryəmin qaynanası) onu oğlundan — Azərdən (Məryəmin yoldaşı)ndan ayırmağa çalışır. Mübahisə edərkən Azər Məryəmə əl qaldırır və Məryəm evdən çıxıb İlqargilə (Məryəmin qardaşı)gilə gedir. Validə (İlqarın həyat yoldaşı) çalışır ki, Məryəmi öz evindən uzaqlaşdırsın. Nəsibə Azərin başını doldurur ki, həyat yoldaşını boşasın. Əvvəl Azər anasının bu istəyilə razılaşmasa da, sonralar hadisələrin gedişatından o boşanmaq qərarına gəlir. Nuray (Məryəmin rəfiqəsi) Azəri sevdiyi üçün Nəsibə xanımla birləşərək Məryəmə qarşı tələ qurur.

Seriallar