Həyatının sevgisi ilə bir gün qovuşacağına inan gənc heykəltəraş qız Su,  onunla bir binada yaşayan, daim özünü narahat hiss edən və bu narahatlığına müxtəlif yollarla son qoymağa çalışan vəkil Arazla rastlaşır və ona aşiq olur. Arazla Su arasında məhəbbət macərası yaşansa da, onların bir yerdə olmasına ciddi əngəllər var. Araz  problemləri həll etməyənə qədər Su ilə münasibətdən qaçmağa çalışır. Həmin binada qapıçı işləyən, əslən azərbaycanlı Nəriman isə (Elməddin Cəfərov) tamam başqa bir məqsəd güdür və o, Sudan kömək istəməyə məcbur olur.

Çat Kapı Aşk

Dursun taksi sürücüsüdür – görünüşü müasir, özü isə elə alışdığımız. Düz yeddi dəfə sevdiyi qıza elçi getsə də, qızın atası İftixar bəy qızını taksi sürücüsünə vermir. Həmin ərəfədə İftixar bəy Bakıya gətizdirdiyi məşhur “Mona Liza” əsərini sərgidə nümayiş etdirməyi planlayır. Amma şəkil naməlum şəxslər tərəfindən oğurlanır.

Taksi Liza

Filmin baş qəhrəmanı sadəlövhlüyü ucbatından şəhərdə qeyri-rəsmi fəaliyyət göstərən kollektor şirkətində işə düzəlir. Onun vəzifəsi banklara və ya fiziki şəxslərə borcu olanlardan həmin borcu almaqdır. İşini uğurla görən qəhrəmanın borcalanlarından biri ölü tapılır və bütün dəlillər ona qarşı olduğuna görə qəhrəman həbs olunur. Filmin əsas hissəsi Quantanamo, Alkatras həbsxanasını xatırladan bir yerdə cərəyan edir. Baş qəhrəman özünün günahsızlığını sübut etmək üçün həbsxanadan qaçış planı düşünür. Amma bu həbsxanadan qaçmaq mümkün deyil.

Zona

Fəlakətin birinci filmi, tamaşaçıya Fəlakətin ilk addımlarından bugünə kimi həyatını əks etdirir. Bu filmdə siz Fəlakətin evini, sevgilisini, qonşularını və sevimli "balalarını" tanıyacaqsınız. Fəlakətin məhəlləsinin üzərini qara buludlar alıb. Onun uşaqlıqdan böyüyüb, boya-başa çatdığı məhəlləni sökmək istəyirlər. Məsələ isə burasındadır ki, Fəlakətin qonşuları narazıdı, amma Fəlakətin özünün isə heç vecinə də deyil... Qonşular və tikinti şirkəti ilə olan gülməli qarşıdurmanın şahidi olmaq üçün, onun aləminə səyahət etmək gərəkdir.

Fəlakət 

"Apatiya 2" filmi hər şeye göz yumub, uşaqları dünyaya gǝtirǝn cǝmiyyǝtǝ sǝrt bir haqiqet şillesi ile reallığa qaytarır! Acı haqiqatin güzgüsündən cǝmiyyǝti görməyə hazır olun.  Filmin baş qehramanı Akif anasını tapmaq üçün uşaqlar evinden qaçır. Sonu dumanlı görünen bu azablı yolda qahraman xeyli çatinliklerl üzlaşir. Prokurorluq aməkdaşlarının hadisǝlǝrǝ çevik müdaxilesi tamaşaçıya heyatın dibine dair bir cox suallar verir.  Dram janrında çakilen bu film Hikmet Rahimovun sayca 3-cu tammetrajlı filmidir. Rejissor filmi dünyada sevgiden ve qayğıdan kənar qalan bütün uşaqlara hesr edib.

Apatiya 2

Film kəndli balası Hətəmin başına gələn əhvalatdan söz açır. Filmin baş qəhrəmanı Hozu ucqar kənddən Bakıya öz əmisioğlunun yanına işləməyə gəlir. Əmisioğlu şirkət müdiridir. Əmisioğlu Ramiz narazı olmasa da həyat yoldaşı Səbinə Hozunun gəlişinə və evində qalmasına etiraz edir. Buna baxmayaraq Hozu gəlir və gəlişi ilə niyə Hozu ləqəbini daşıdığını nümayiş edir. Səbirli olsa da Səbinənin səbri daşır və rəfiqəsi Həlimə (Sevincin) vasitəsilə Hozunu Bakıdan kəndə geri göndərir. Lakin Hozu gedəndən sonra Həlimə (Sevinc) başa düşür ki, Hozunu sevir amma artıq gecdi çünki Hozu kənddə toy ed

HOZU

HOZU - Trailler

"Evdə Qalmış 2" Filmi ekskluziv olaraq ilk dəfə Metaflix.az platforması təgdim edir!

5 ildir uşaqları olmayan Ruslanla Sevda “A bala, bir şey mirşey var?” sualından qaçmaq istəsələr də yoldan keçən hər kəs bu sualı onlara verir. 
Şahnisənin anası ona varlı ər axtarır.  O, isə kasıb sevgilisi Vüsalla evdə qalmaqda davam edir. 
Asif və Təhminənin 3 qızı olsa da başqalarının sözünə görə “oğul payı” üçün gecə-gündüz çalışır. 
Onları birləşdirən isə həyatlarının romantik komediyaya çevrilməsidir.

Evdə Qalmış 2

Murad tanınmış psixoloqdur, o müxtəlif sosial verilişlərdə ekspert kimi çıxış edir. Bir gün onun qəbuluna məşhur müğənni Aliyə gəlir və münasibətə başlamağı təklif edir. Belə ki, Aliyə ezoterikaya, numerologiyaya, astrologiyaya həddən artıq inanır, həyatını bürclərə uyğun yaşayır. O, Muradı televizorda görüb, bəyənib, bürcü ilə maraqlanıb, və müəyyən edib ki, ona ən uyğun partnyor Muraddır. Hattə ilk gecəni keçirəcəkləri otelin otaq nömrəsini də bürclərə əsasən seçir ki, düşərli olsun.   Onlar Oteldə görüşürlər. Murad həyacana qapılıb Aliyənin boğazından bərk sıxanda Aliyə huşunu itirir və ürəyi dayanır. Murad Aliyənin öldüyünü zann edib təlaşa qapılır. O çox qorxur və vəziyyətdən çıxmaq üçün ağlına gəlir ki, öz həyat yoldaşı Səbinəni çağırsın. Səbinə məhkəmə tibbi ekspertizasının kriminalistidir. Murad düşünür ki, Səbinənin köməyi ilə Aliyənin cəsədinin üzərindəki özünə dair izləri yox edəcək. Sabinə gəlir. Murad arvadı Səbinəni müxtəlif bəhanələrlə inandırır ki, Aliyə ilə aralarında nəsə yoxdur. Sabinə inanır və Murada kömək edir. Lakin, bir müddət sonra öldüyünü zənn etdilən Aliyə oyanır və Muradın bütün yalanlarının üstü açılır.

Otel loo

Xəstəxana doğum evi. Kazımın yanına həkim gəlib, onun övladı olduğunu, lakin daun sindromlu olduğunu bildirir. Xəstəxanadan evə gələn Kazım Leyliyə xəstə uşağa baxmayacağını, aparıb kimsəsiz körpələr evinə verəcərini Leyliyə bildirir. Leyli Kazıma nə qədər yalvarsa da Kazım körpəni götürüb evdən çıxır. Körpəni evlərindən biraz aralıda zibilxanaya atır. Cəld ordan uzaqlaşır. Zibalxananın yanından keçən Pənah və balaca oğlu Ramal körpənin ağlamaq səsini eşidir və onu oradan götürürlər. 
20 il sonra.  Fərid bir qızın içili vəziyyətdə dənizə düşdüyünü görür. Fərid həyəcanla kömək çağırır. Ramal gəlib qızı sudan çıxarır. Ayan onlara öz həyat hekayəsini danışır. Məlum olur ki, Ayanın ögey anası onu öz bacısı oğluna zorla ərə verir. Amma Ayan onu sevmədiyini deyir. Fərid onlar üçün bir plan qurur. Ayan onları öz evinə aparır və atası ilə tanış edir. Deyir ki, Ramal onun sevgilisidi. 
Ayangilin evində çalışan bir xidmətçi qadın daun sindromlu Fəridi görür. Çox pis olur. İllər öncə itirdiyi oğlu yadına düşür.
Hadisələr elə burdan başlayır.


21-ci Möcüzə

33 yaşlı Həsən (Hikmət Rəhimov) inşaat şirkətində satış meneceri işləyir və onun evlilik həyatı heç də gözlədiyi kimi getmir. Həyat yoldaşı Fəridə (Arzu Abdulova) ilə çox istəsələr də, uşaqları olmur. Bu qısırlıq problemi onların həyatının mərkəzindədir. Üstəlik, Həsəngilin ana ilə birlikdə yaşaması, ənənəvi gəlin-qayınana konflikti, ailədaxili söz-söhbətlər onun ürəyini sıxır. Həsən heç öz işində də uğurlu deyil, Samirin (Azər Aydəmir) işləməyən qohumunun da əvəzinə işləyir, tez-tez Samirə kofe süzür, onunla dostluqlarına ümid bəsləyib şirkətdəki vəzifəsinin qalxacağını gözləyir.Qəhrəmanın içində olduğu çıxılmaz vəziyyətin təsviri, onun yol tapmaq üçün vurnuxması, qapı-qapı, həkim-həkim gəzməsi hekayənin dramatik inandırıcılığını qurmaq üçün kifayət edir.Çarəsiz Həsən və həyat yoldaşı Fəridə anasının təkidləri ilə hətta rayonda bir mamaçanın yanına da gedir. Bundan sonra isə Fəridə tez bir zamanda hamilə qalır və onların həyatı artıq müsbətə doğru çevrilə biləcək. Lakin hər şey heç də gözlənilən kimi olmur, işin içindən başqa işlər çıxır.Həsən üçün Samir əsl nümunədir – evi, uşaqları olan, başqalarının yanında sözü keçən… indi isə kişi olmaq növbəsi onundur.

Ssenari müəllifləri: Emil Quliyev, Nurlan Həsənli, Nicat Muxtarov
Baş prodüserlər: Emil Quliyev
Təsisçi Direktor: Emil Quliyev
Aktyorlar (baş rollarda): Hikmət Rəhimov, Azər Aydəmir, Arzu Abdulova

Mən Burada Tək Olmuşam


Böyük ferma qurmaq arzusu olan filmin baş qəhrəmanı Hozunun atasını inək vurur. Onu xəstəxanaya aparırlar. Ağır vəziyyətdə olan atası Hozuya deyir ki, sənin şəhərdə bir bacın var, get onu tap, ölmədən öncə onu görmək istiyirəm. Hozu gəlir şəhərə, ona bacısını tapmaqda bir neçə adam kömək edir, bacısını tapır. Məlum olur ki, bacısı məşhur müğənidir (Aynur Həzin). Hozu bacısının mühafizəçisi olur. Bacısı get-gedə onu qardaşı kimi görür, sevməyə başlıyır. Hozu bacısını gətirir atasının yanına, atası deyir, mən “sənin şəhərdə bacın var” sözünü deyəndə narkozun təsirində olmuşam, nə dediyimi bilməmişəm. Aynur Həzin xaricə köçür.Hozu onun bir insan kimi sevgisini qazandığına görə şəhərdəki villasını ona bağışlayır. Hozu o villanı satır, kənddə arzusunda olduğu böyük fermanı qurur.  

HOZU Cangüdən

Sadəcə Sev

Bir-birini çox sevən gənc evli cütlük - İradə və Fuad gözlənilməz müsibətlə üzləşirlər. İradə ağır xərcəng xəstəsidir. O, müalicə üçün Moskvaya yollanır. Bakıda isə onların beş yaşlı qızları Zeynəb və Fuadın anası Sənubər səbirsizliklə onlardan xoş xəbərlər gözləyirlər.
Balaca Zeynəb anası ilə tez tez Skayp vasitəsi ilə əlaqə saxlayır və İradə öz qızına tezliklə dönəcəyini vəd edir.

Eyni zamanda gənc və istedadlı müğənni Leyla beynəlxalq musiqi müsabiqəsinə hazırlaşır. İradə məşhur olmaq niyyətindədir. Bu iki qadını mistik zahiri oxşarlıq birləşdirir. Onların hətta səsləri də bir birinə bənzəyir. İradənin müalicəsi fayda vermir o Moskvada vəfat edir və Fuad Bakıya dönür. Amma ölüm xəbərini Zeynəbə kim və necə desin?


Zaman Adlı Qatar

Savadsız və heç bir peşə sahibi olmayan, sevgisiz böyüyən Akifin valideynləri Əhməd və Elnarə Akifi məktəbdən çıxarıb ona iş axtarmaqla məşğuldular.

Şəraitsiz evdə yaşayan yoxsul ailə Akifi işlə təmin etmək üçün onun maşın təmiri ilə məşğul olan, narkoman Azər əmisinə müraciət edirlər. 

Üstəlik, Elnarənin qardaşı, fəhlə işləyən Mənsur də bu kasıb ailəyə sığınıb ki, əlavə xərclərdən azad olsun. 

Bütün bu yoxsullğun, xaosun fonunda evdə qətl hadisəsi baş verir. 
Qətlə yetirilən şəxs gizlədilir və itkin düşmüş adam kimi həm qohumları, həm də polis tərəfindən axtarılır...

Apatiya

Hozu Dayə 

Hozu dayə

Bıçaqlandıqdan sonra sağ qalan Adil (Taleh Yüzbəyov), müalicə olunduğu xəstəxanadan çıxıb öz monoton həyatına geri dönməyə hazırlaşır. O hər zamanki kimi, "zəhər tuluğudur" – iş yoldaşlarını, dostlarını, onu müalicə edən həkimi və tibb bacılarını acılamağa, incitməyə, kobudluğa davam edir. Dostu Şakirin və artıq həyat tərzini dəyişdiyini iddia edən tələbə yoldaşı, keçmiş "həyat qadını" Rənanın müşayəti ilə xəstəxanadan çıxıb normal həyatına davam etməyi düşünən Adil inanılmaz bir sınaqla qarşılaşır. Xəstəxananın həyətindən çıxmamış Şakirin maşınına tanımadıqları hamilə qadın əyləşir. Dünyaya gətirəcəyi qız övladını qorumaq üçün ərindən və onun ailəsindən, daha doğrusu abortdan qaçan qadını qorumaq üçün Şakir və Rəna israr edir. Adil bu işə mane olmağa çalışsa da, getdikcə bütün şərtlər onu dünyaya gələcək körpənin xilaskarına çevirir.

Zəhər Tuluğu

Ruslan və Sevda valideynlərinin məcburiyyəti ilə 30 yaşına qədər evlənməlidir. Qonşunun, qohum-əqrəbanın “Evdə qalmısan”, “A bala nə vaxt tərpənirsən? kimi suallarından bezən gənclər evlənmək istəməsələr də, hadisələr onları qarşılaşdırır. 

Evdə Qalmış

Gecə qonağı 2 filmi rejissor Kənan MM tərəfindən 2017-ci ildə ekranlaşdırılmışdır. Film Azəri Prodakşn şirkətində istehsal edilmişdir. Film sevgiyə, bədbəxtliyə ithaf olunur. Əsas rolları Kənan MM, Pərvin Abıyeva, Cavanşir Hadıyev, Hüseyn Mahmudov, Elnarə Heydərova ifa edirlər.

Gecə qonağı 2

Brat Li

Film türk ailənin, azərbaycanlı ailəyə elçi gəlməsi ilə başlayır. Bu ailələr bir-birini sosial şəbəkə üzərindən tanıyırıb. Ailələr özlərini bir-birinə varlı kimi təqdim edib, bir-birinin sərvətinə ortaq olmaq üçün övladlarını evləndimək qərarına gəlirlər. Bu ailələr zamanında imkan olub, lakin iflas ediblər. Hazırda kasıbdırlar. Hər iki ailənin məqdəsi, övladlarını varlı bir ailəyə verib, əvvəlki günlərinə geri dönməkdi.  Türkiyədən gələn ailənin, tanışlıq və elçilik müddətində azərbaycanlı ailənin evində qalması fonunda baş verən hadisələrin sonunda hər iki ailənin iç üzü açılır və onlar bir-birinə düşmən olurlar. Lakin evdirmək planları qurduqları gənclər bir-birinə aşiq olur, böyüklər istəməsə də bu kasıb ailələrin uşaqları evlənmək qərarına gəlirlər. Bu müddətdə baş verən bəzi hadisələr və evə Afrikadan göndərilən meymun ailələrin anidən varlanmasına gətirib çıxarır. Sonda isə ailələr varlı olur, uşaqları da evlənib xoşbəxt olurlar. Kimsə, kimsənin sərvətinə göz dikmir... Sonda yenə də qazanan saf sevgi və məhəbbət olur.
Filmində Azərbaycanda Təhminə rolu ilə tanınan Meral Konrat,sevilən aparıcılar Elgiz Əkbər və Pərvanə Tahirqızı, sevilən müğənnilər  Xatun və Barış Kömürcüoğlu, sevilən aktyorlar Teymur Məmmədov, Firüzə Balayeva və Niftulla Əsgərov rol alıb.
Ekran işinin ideya müəllifi Toğrul Hüseynli, quruluşçu rejissoru İlham Yaraşaroğlu (“My Name is İntiqam”, “Hozu” romantik komdiyası və “Hozu cangüdən” macəra komediyası) və ssenari müəllifi Əcəmi Əsədulladır (“Geri Dönənlər”). 
Filmin mediya dəstəyi ARB TV və “Qaynarinfo”

Azərbaycan Filmləri